O río Loio é un afluente pequeno do Miño, que transcorre tranquilo ata que chega á altura de Paradela onde se encañona notablemene e descende uns 300 metros en pequenas fervenzas ata que se xunta co Miño no encoro de Belesar.

     A ruta comeza en Paradela. Xusto no centro de saúde do Sergas sae un camiño (xa sinalizado) que descende por un souto de castiñeiros ata chegar a unha ponte de madeira onde por primeira vez cruzamo-lo río. Aquí xa nos pasamos á outra beira e atravesando fragas con carballos, freixos, acibros, e castiñeiros, axiña chegamos ó antigo muiño da Retorta, onde novamente atravesamo-lo río Loio. Este tramo é máis umbrío e nalgun sitio pode estar con pozas de auga (sen problemas). Aquí hai algún que outo desvío pero todo o camiño atópase perfectamente sinalizado.

     Novamente volvemos a cruza-lo río noutra ponte de madeira e aquí temo-la oción de botarlle peito e intentar facer un descenso de cañons segunido o cauce (é fodido) ou seguir polo camiño, que a partires de aquí xa se vai alonxando do río.

     Xusto antes de chegar ó pobo das Cortes temo-la opción de ir ve-las ruinas do antigo mosteiro do Loio. Continuando pola rota cheghamos a As Cortes, onde xa só nos queda unha baixada por unha pista asfaltada ata chegar ao punto final que é a estada de Portomarín, xusto enfrente dun restaurante.

     ó final da ruta hai 2 restaurantes

Contribuido por: X Iván Quintana López