| PERCORRIDO
- Desde Padrendo por unha pista de terra enderezo
Costa dó Santo. Este ascenso é moi pronunciado, cruza un pequeno
regato e, seguindo a suba, atinximos un pequeno chan de vexetación
de monte baixo que se estende ao pé da Serra de Santa Eufemia, con
unha altura de 1.107 m. de altura.
- O ascenso segue o seu curso a través do regato
Costegaza. A partir de aqui, e entón dun pronunciado descenso, chegamos
a Torneiros. A paisaxe muda radicalmente, o monte baixo e as suaves
formas dan paso a formacións rochosas. Durante esta baixada se bordea
o regato de Toucedo, con un pequeno cachon visíbel na marxe
direita da pista.
- Despois de percorrer 3.350 m. desde o início
da rota, continuamos por unha pista asfaltada situada á esquerda
do camiño que chega a Torneiros, a uns 300 m. nesta aldea destacamos
os hórreos construídos totalmente en pedra -mesmo no tellado- empregando
pezas de granito planas. Esta aldea é o último núcleo de povoazón
antes da raia con Portugal.
- A saída da aldea
tomamos un camiño á direita que se adentra no bosque de aciñeiras,
carvallos, piñeiros, albedros e outras espécies como acacias e algun
que outro eucalipto.
- A 4.500 m. do início do percorrido tomamos
un camiño pedregoso que aparece pola esquerda. Seguindo este camiño,
atopamos un Colmenar no que moitas das colmenas son de elaboración
tradicional (feitas co corcho das aciñeiras e co tellado de palla).
Nas suas proximidades existe unha mina de auga.
- Continuando a rota, aos 5.350 m. chegamos a
unha estrada asfaltada, á sua esquerda a igrexa paroquial, dedicada
a Santa María dó Val de Riocaldo (1818), onde destacan o retábulo,
as escultura e a ourivesaria (o incensario e a naveta de estilo
rococó). A casa reitoral anexa á igrexa está totalmente abandonada.
A paróquia comprende as aldeas de Padrendo, Vilameá, A Devesa, Bubaces
e Torneiros.
- 100 m. mais adiante atopa-se o Outeiro -antigamente
Proendo- que na actualidade está en ruínas, se ben ainda podemos
ver as suas adegas coas suas vellas prensas para o viño feitas de
pedra. O proceso consistia en botar o bagazo das uvas e entón prensá-lo
deixando sair o resto de viño que contiña e recollendo-se éste nun
depósito de pedra.
OUTEIRO, POBO ABANDONADO
EN PADRENDO (LOBIOS), ao fondo divisamos o monte que devemos atravesar
no noso percorrido.
- Saindo de Outeiro, somente separan-nos 600
m. do fin da rota en Padrendo.
|
