logotipo

O Museo Numismático de Lobios foi creado con fondos cedidos por Jaime Paz Bernardo (coleccionista e viciño de compostela "parroquia de Manin").

Para visitar o Museo Numismático e a exposición de cuadros hai que dirixir-se ao Concello de Lobios (Estrada de Portugal, s/n) Fondevila. Nas dependéncias municipais hai unha sala habilitada para esta colección "como se pode observar na fotografía". O museo permañece aberto todolos días laborábeis en horário de Mañá. Os interesados tamén poden informar-se no teléfono do Concello: 988 448 000.

Na mesma sala tamén se expón un grande número de cuadros con un tema recorrente "Lobios e os seus pobos" (destacando os que nos lembran as aldeas anegados polas augas do Encoro de Lindoso -Portugal-).

Ocasionalmente compaxina-se a mostra permanente con exposións monográficas, conferéncias e actividades numismáticas de todo tipo.

O Museo Numismático de Lobios foi inaugurado o 30 de Xullo de 1.996 polo Presidente da Xunta de Galicia D. Manuel Fraga Iribarne O Museo de Lobios é único en Galicia pola sua riqueza e atopa-se entre os mais importantes de España. Todo un orgullo para a noso pobo que agradecemos profundamente a Jaime Paz

Jaime Paz comezou a perfilar a idea no verán de 1993, a raiz dunha exposición temática de moedas de Galicia que realizou neste mesmo local. A corporación presidida por Antonio Ferreira López, semellou-lle excelente a idea de crear un Museo permanente en Lobios e xuntos comezaron a traballar para contar con ese Museo Numismático. A testemuña foi collida pola Corporación presidida por Benito Vázquez Vazquez culminando con éxito a tarefa comezada anos atras.

Con mais de 300 pezas arqueológicas e numismáticas donadas por Jaime e algún que outro particular, na que se incluen moedas e medallas, desde o século III a de C., partindo de moedas gregas, romanas mediavais, etc.

Todas as moedas a pezas atopan-se presentadas con fotografías ampliadas de anverso e reverso e textos documentais explicativos e didácticos.

Entre as pezas da colección atopan-se algunhas donadas por particulares e coleccionistas. Incrementarán-se con mais doacións de Jaime e de comerciantes españois e estranxeiros que se sumaron con agrado a esta iniciativa.

O Museo é un lugar de grande afluencia de público, son moitos os visitantes que durante todo o ano visitan este salón de Cultura do Concello de Lobios, pero nos meses de Verán é en datas sinaladas disparan-se as visitas.

Fonte: Cronica Numismática (Alguns dos comentários quitaron-se desta revista especializada).