logotipo

Na Bisbarra da Baixa Limia podemos atopar un grande número de Igrexas, que pola sua história, arquitectura e beleza son destacados monumentos do noso patrimonio ademais de ter un alto valor relixioso para as xentes desta Bisbarra Natural.

A maior parte das Igrexas son do estilo Neoclásico e Barroco.

O xoia da coroa é a Igrexa de Santa Comba de Bande, de estilo Visigótico (século VII).

No Concello de Entrimo destaca sobre as demáis, a Igrexa de Santa María a Real (Terrachán); esta igrexa con xeito catedralicio é unha preciosa construcción na que resaltan as suas fachadas de estilo Churrigueresco, a sua torre e campanario están datados en 1.727.

IGREXA DE SAN SALVADOR DE MANIN (Lobios) Coñecida como a Igrexa de Aceredo. Este monumento conta con unha singular história. Conseguindo salvarse da asulagación pola construcción do Encoro de Lindoso, foi traslada ás inmediacións de Ludeiros e Compostela, onde se erixe maxestosa e impasible aos avatares da historia. Ninguén se atreve a afirmar que éste será a sua última ubicación, pois non resulta difícil pensar que descansará para sempre eiqui cando xa foi traslada en duas ocasións: 1.769 e en 1.992. A sua primeira ubicación en Manín foi onde se construiu.

No Concello de Lobios destacar tres Igrexas: a Igrexa de Aceredo século XVIII, estilo Barroco con influencias portuguesas (descrita anteriormente). A Igrexa de San Miguel de Lobios (século XVIII), estilo Barroco, fermoso monumento que se atopa ubicado en Fondevila (Lobios) destacando o seu enorme campanario que sobresai de forma taxante do corpo rectangular da Igrexa; non podemos deixar de reseñar que este significativo monumento é de planta rectangular, contrastando coa maioria das Igrexas paroquiais da Baixa Limia que son de planta en forma de cruz latina. A Igrexa de Ntra. Sra. do Xurés (non é a igrexa paroquial de Riocaldo) é un templo emblemático, situada na Serra do Xurés sobre o val de Riocaldo, permañece vixilante contemplando o ir e vir das xentes que poboan os seus lugares, confiando eles en que a sua vixilancia lles protexerá dos contratempos que lles poidan acaecer.

IGREXA DE SAN MIGUEL DE LOBIOS Dominante campanario, esbelto e vixilante dun rio que discurre apacibel susurrando a sua melodia ás xentes dunha aldea que camiña no tempo con pisada firme, coa certeza de que nese lugar que ao lonxe asoma, atópase o protector dos seus soños. Suso

Na parte Portuguesa do Parque Nacional Peneda Gerês, tamén son moitos os monumentos deste tipo eregidos en honra a un senfin de Santos, destacando a Igrexa da Peneda e a de San Bento dá Porta Aberta, dous lugares de peregrinacións masivas para a poboación do norte de Portugal e sur de Galicia.

Esta riqueza patrimonial concébese como expresión do fervor cristián que asulaga estas terras, levando á construcción dunha Igrexa en cada parroquia, sendo 42 o número de parroquias que forman a Baixa Limia que fai destacable a sua riqueza monumental.

Existen moitos outros Templos que ainda non tendo esa función de Igrexa parroquial son igualmente construccións a destacar para descreber a riqueza arquitectónica que posuimos.