A fachada, tallada en granito fino dos montes de Entrimo, ten forma de retábulo e organízase en catro corpos, enmarcando os dous primeiros pilastres. O primeiro centrado na porta, en arco moldulado de meio punto, adornado con cabeza de Anxos e flanqueado por tres pares de colunas: salomónicas lisas na parte superior do fuste das contiguas, e estriado os outros dous pares de colunas. O segundo corpo ten unha forma coa imaxe en pedra da Asunción, e catro pares de colunas salomónicas enlazadas con tallos de videiras e de froitos de éstas. No centro do terceiro corpo hai un panel da Santísima Trindade, co Espírito Santo en forma de pomba o Pai e o Fillo en figuras humans portando a coroa destinada á Virxe María. A ambos lados hai catro pares de colunas salomónicas como as do segundo corpo. O cuarto é dun ancho adorno con remate por Frontón partido, destacándose no meio o escudo de España coa águia bicéfala, sendo a decoración de refundidos paneis follaceos, con tres estatuas de Anxos suxeitando instrumentos de corda, que ocupan o pódio e os ángulos do frontón.

As duas fachadas laterais son dunha beleza a ter en conta para as ollar detidamente; a do Sur é de tipo Retábulo, en dous corpos e un frontón, enmarcándose a porta entre dous pares de colunas de fuste liso. Vese a imaxe de San Xosé, dous pares de colunas salomónicas e duas colunas estriadas, con tres esculturas haxiográficas e dous canos con figuras mitolóxicas. Na fachada Norte, enriba da porta unha imaxe do Salvador en tamaño natural, resolvéndose a fachada con unha grande sobriidade, dándolle aire compostelán, acabada en sectores curvos.

Partindo das fachadas Norte e Sur e sustida en cada arrinque por unha figura humana, rodea a nave un fermoso friso de follaxes encordonado. A cuberta da nave central é mais alta que as laterais para receber a luz, o Cruceiro é mais alto que a nave central e a parte absidal. Encima do Cruceiro elévase un corpo exterior en forma de meia laranxa, acabado por unha candea das que fixeron escola nos séculos nos que se desenvolven as obras.

O corpo da Igrexa é de planta de Cruz Latina de 45 por 20 metros, con tres naves separadas por oito colunas cuadradas de distinta forma, o coro atópase por riba da entrada principal. Xunto á parte posterior érguense xunto ao Cruceiro duas Capelas de meio cañon (obsérvanse perfeitamente na imaxe).

As diferenzas das fachadas entre si, coa torre e o interior do templo, fan supoñer que estes elementos corresponden a datas distintas e proxectos diferentes.

Na Igrexa hai seis retábulos de distintas feituras e un altar de Cristo Crucificado coa Virxe dos Dores. O altar de Ecce Homo, que antes foi de Nazareno, asegúrase que foi inspirado, dirixido e pago do seu patrimonio particular, polo Cardeal Quevedo.

O Adro de sillería ao redor do templo, realzado con un Vía Crucis. Moitas destas cruces foron destruídas.