|
Xa podes desfrutar da mellor gastronomía
tradicional da Baixa Limia, estes pratos e sobremesas contribuiron en
boa medida a paliar a fame (en tempos de guerras e postguerra), e algúns
deles só se desfrutaban en días de festas.
PRATOS
Lacón con Grelos
Este é un gostosísimo prato da gastronomía
galega, ¡e como non!, tamén na baixa limia se cociña o lacón con
grelos.
- Un Lacón duns 2 Kg.
- Unha gavela de Nabizas
- Fabas
- Aceite
- Sal
- Auga
|
PREPARACIÓN
- Ponse a cocer o Lacón durante un par
de horas (até que comprobemos que podemos espetar ben a
carne con un garfo).
- Cocemos as Nabizas e as fabas durante
30 min. (Debemos ter en conta que esta verdura redúcese
moito ao cocer, asi que tentamos botar unha boa cantidade).
- Este prato debe regarse con un bon
chorro de aceite de oliva virxe.
- Acompañarase dun bon viño do país.
|
Caldo Galego
Prato típico por antonomasia, é tan
típico como sinxelo de facer. Se ben cada mestriño ten o seu libriño
e cada caldo pode ter unha sabor distinto.
- Berzas
- Fabas
- Patacas
- Un anaco de carne de porco (opcional)
- Un fio de aceite de Oliva
- Sal
|
PREPARACIÓN
- Póñense nunha pota grande as
berzas cortadas.
- Bótase unha cunca de fabas.
- Engadimos tres ou catro patacas troceadas.
- Engádese auga ata cubrir.
- Un fio de aceite.
- Se queremos podemos botarlle un anaco
de carne de porco (afumada a ser posible) para lle dar un
sabor mais intenso.
- Engadimos sal.
- Tempo de coción o redor de 45 min.
|
Pan de Millo
Resulta difícil consegir hoxe en día
pan de millo (feito artesanalmente) aínda que algunhas panaderias
acostuman cocelo defire moito do pan artesano de toda a vida.
- Fariña de Millo
- Fariña de Centeo
- Levedura
- Sal
|
PREPARACIÓN
- Bótase fariña de millo e de
centeo en proporción 3 a 1, mistúranse coa levedura
e todo iso amásase (na maseira), engadimos sal e
deixamos levedar.
- Unha vez levedada a masa (pasadas unhas
horas) e quente o forno (a ser posíble de leña), pomos as
pezas de pan dentro para a sua coción.
- Despois de 1 hora ou 1,30 horas abrimos
o forno e quitamos o pan coa paneira.
O Pan de Millo é ideal para
acompañar calquera prato típico galego, especial para acompañar
a degustación da carne de porco e magnífico para facer
tostado e untar con manteiga. Tamén resulta indispensable para
comer os Rixóns de porco. |
Empanada Artesán
Ao igual que o Pan de Millo, a empanada
artesán facíase (hoxe é difícil conseguir este producto)
cando cocían o Pan de Millo, aproveitando o espazo libre do
forno e cando había algunha celebración na casa, pois en tempos
resultaba un luxo e non todo o mundo podia facer unha Empanada aínda
que nos semellen poucos os ingredientes utilizados, fai mais de 30
anos calquera producto era un luxo.
|
Faise coa mesma masa empregada para o
Pan de Millo. Engadindo o seguinte:
- Chourizos
- Touciño
- Cebolas
- Pementos
- Sal
|
PREPARACIÓN
- Nunha pota
ou cazo grande bota-se masa, engadimos Chourizo en anacos
e Touciño (non é preciso moita cantidade, se ben sen este
cundimento o sabor da empanada non ten nada que ver).
- A cebola debemola botár inteira se
a empanada é grande.
- Entón engadimos un par ou tres pementos
(se estamos en temporada).
- Cubrimos con berzas a pota para evitar
que se queime.
- O tempo de coción é o mesmo que o
do Pan de Millo, e quitan-se ao mesmo tempo do forno.
Se tendes a posibilidade
de probar este manxar recoméndovolo encarecidamente. |
Papas de fariña Milla
Seguro que moitos Galegos nos criamos
con este estupendo prato. Almorzo inigualable e sabor único.
- Leite (Inteira)
- Fariña de Millo
- Farelas de
Pan de Millo (isto dalle un sabor único)
- Unhas areiñas de Sal
|
PREPARACIÓN
- Quentamos o Leite.
- Engadimos fariña de millo, segundo
o gusto de cada persoa espesaremos mais ou menos as papas,
botando mais ou menos fariña.
- Entón apañamos pan de millo e facemolo
farelas botándoo sobre as papas.
- Engadimos unhas areiñas de Sal e
misturamos todo.
Este almorzo debe sérvirse
quentiño. |
Zarrabullo
O Zarrabullo resultaba ser un prato
de temporada (só se degustaba en inverno, despois da matanza do porco).
Coma do porco aproveitase todo, o Zarrabullo é un prato feito co sangue
da matanza.
- Sangue de porco.
- Fariña de Millo (ou no seu caso Centeo)
- Sal.
|
PREPARACIÓN
- Amásase o sangue do Cocho
coa fariña de Millo ou Centeo.
- Engadimos un pouco de Sal.
- Cócese en auga uns 20 ou 30
min.
Este prato resultaba moi
aprecido e servíanse as bolas de Zarrabullo cortadas
en rodaxas finas, acompañadas de cebolla frita e pan de Millo. |
Callos Limiaos
Os Callos Limiaos, son un prato típico
da zona, tal é a sua importancia que o Concello de Lobios celebra
anualmente (finais de Agosto), a festa dos Callos Limiaos.
| INGREDENTES
- Bazo
- Garabanzo
- Perna de Terneira (Cana)
- Refrito de Allo con Pimentón Doce
e Picante
- Chourizo
- Sal
|
PREPARACIÓN
- Póñense a cocer os garabanzos
(despois de 24 horas de remollo), xunto co Bazo e a Perna
de Terneira.
- Durante 1/15, entón engadimos o chourizo
durante 30 minutos.
- Engádese o refrito e sérvese.
Acompañados sempre de
Pan e un bon viño do país. |
Receita
facilitada por Hotel-Restaurante, Cafetería Lusitano (Lobios).
SOBREMESAS
Formigos
Estupendo sobremesa desta zona da
Província de Ourense. Na Baixa Limia algunhas aldeas agudizaban o
seu enxeño para aprobeitar todo o que sobraba e para exemplo abonda
con ver os ingredientes desta sobremesa.
- Pan duro
- Leite
- Ovos
- Azucar
- Sal
|
PREPARACIÓN
- Aprobechando o pan duro (pan de trigo)
que sobra, botámolo nunha pota mediana.
- Engadimos un litro de leite.
- Batemos 4 ovos e engadimolos.
- 1/4 de Kg. de Azucar (se che agrada
moi doce, se non un pouco menos).
- Un areiñas de Sal.
- Métese no forno e quitamolo
cando se empeza a dourar por riba. Tempo aprox. 30 a 40
min.
Aproveita o pan que che
sobre na casa e proba esta sobremesa, seguro que repites. |
Migallas
Tan sinxelo como refrescante, este
tentenpie é moi apreciado na Baixa Limia e en outras partes de Galicia.
Comodo, económico e doado de facer.
|
INGREDIENTES
- Viño Tinto (a ser posíbele
do elaborado en casa)
- Pan (Trigo ou Millo)
- Azucar
|
PREPARACIÓN
- Para unha persoa apañamos unha cunca
(das de meio litro).
- Botamos ata a metade Viño
Tinto.
- Engadimos Pan de Trigo ou Millo.
- Unhas cucharadas de Azucar. (Segundo
o gusto de cada un).
Este tentenpe tómase
sobre todo en epoca primaveiral e de verán, cando a xente
chega de traballar do campo e o que quere refrescarse e recobrar
forzas.
Probao despois de facer
un desgaste físico importante. |
Letría
Sobremesa do día a día,
fácil de facer e moi económico.
- Leite
- Fideu Fino
- Azucar
- Colorante
|
- Un litro de Leite nun recipiente.
- Engadimos fideus finos (pouco mais
de meio paquete).
- 1/4 de Kg. de Azucar (mais ou menos
segundo o gusto de cada cual).
- Un pouco de Colorante.
- Cócese durante 10 minutos e
entón botase en pratos para que enfrie.
- Sérvese no prato cortado en
taquiños espolvoreando un pouco de canela.
|
Filloces
Sobremesa Galega por Excelencia,
na Baixa Limia as filloces fanse de dous tipos: Filloces de Leite
e Filloces de Sangue de Porco (en temporada de matanza).
- Leite
- Ovos
- Fariña Triga
- Canela
Opcionalmente
- Mel
Sustituímos o Sangre de Porco
polo leite para filloces de sangue. |
PREPARACIÓN
- A un litro de Leite engadimoslle
2 ovos e a fariña ata que quede mesturada.
- Engadimos un pouco de canela.
- Pasamos por un coador (co fin de
quitar os grumos que deixa a fariña).
- Frítese a masa nun cazo da
seguinte forma: botamos unha pinga de aceite no cazo,
estendemos con unha culler da
sopa sobre a sarten (é convinte que non quede moi grosa
a filloz) dáselle a volta rápidamente e a colocamos
a filloz nun prato, engadindo azucar por riba.
É unha Sobremesa sinxela
de facer mais traballosa no momento de o cociñar. Merece a
pena degustalo.
Unha vez botas as filloces
podemos engadirlle Mel e enrroscalas.
Tamén se pode engadir
nata e enroscalas.
As Filloces de Sangue
fanse de igual forma simplemente se sustitue o leite polo
Sangue de Porco. |
Torradas
Outra sobremesa típica da zona, e
unha boa forma de aprobeitar o que nos sobra.
- Pan
- Leite
- Ovos
- Viño Sanson ou Viño de
Oporto
|
PREPARACIÓN
- Córtase o Pan en tostadas
finas.
- Móllase en Leite e ponse a
escorregar.
- Móllase no Ovo batido e tamén
no Viño Sanson ou Viño Oporto.
- Fritense en aceite, e unha vez feitas
engadeselle azucar por riba.
Saborosísimo sobremesa,
sinxelo, económico e rápido de facer para deleitar a familiares
e amigos. |
Chulas
- Fariña
- Ovos
- Azucar
- Sal
- Auga
|
PREPARACIÓN
- Mistúrase meio kilo de fariña
con dous ovos unha pouca de auga e seis cucharadas de
azucar.
- Engádese unhas areiñas de
sal.
- Unha vez ben misturado todo o anterior
apañamos con unha culler (serviranos de dosificador) a
masa feita e botamola no aceite quente.
Ideal para acompañar unha
Café ou un Té a meia tarde. |
|
