• 12/12/2.004: Competición de escalada.

    Esta proba, puntuable no Campeonato Galego de Escalada Deportiva, celebraráse no rocodromo municipal da Xunqueira en Pontevedra o domingo día 12 de Decembro de 2.004. É unha actividade na que poden participar todolos deportistas federados na Federación Galega de Montañismo (FGM), sendo o precio da inscripción de 10 euros e a data límite o 9 de Decembro do 2.004.

    A entrada ó pabellon para os espectadores será de balde, e o modelo de competición será de dificultade en vía, coas seguintes características:

1. As vías clasificatorias serán na modalidade a FLASH, o que quere dicir que a vía terá que encadearse nuha soa tentativa, ainda que está permitido que os participantes teñan unha información previa da vía, tanto vendo a progresión dos outros participantes, como facendo comentarios entre eles.
2. As finais serán na modalidade a VISTA, o que quere dicir que os finalistas non poderan verse entre si, e que non terán mais informacion da vía que aquela a que lles dá o sentido da vista e a sua experiencia.